The first website dedicated to the people of clean and green city Hetauda.
अन्तरवार्ता

माडीका मेयर भन्छन् बाँदरमुढेमा हामी अझै पीडामै छौं


अन्तरवार्ता पटक पढिएको हेटौंडा अनलाइन


माडीका मेयर भन्छन् बाँदरमुढेमा हामी अझै पीडामै छौं


जेष्ठ २७ शनिवार, चितवन । माडी नगरपालिकास्थित बाँदरमुढेमा ३९ जनाको ज्यान जानेगरी माओवादीले सार्वजनिक बसमा बम विस्फोटन गराएको १२ वर्ष बितेको छ । १२ वर्षमा खोलो पनि र्फकन्छ भनेजस्तै यसपालिको चुनाबमा माओवादीले यही ठाउँबाट मेयर पदमा जित हात पारेको छ।

माडीमा माओवादीको जितले धेरैलाई आश्चार्यमा पारेको छ । बाँदरमुढे घटनालाई देशैभरि प्रचार गरेर माओवादीको भोट घटाउन चाहनेहरुका लागि त माडीमा माओवादीले पाएको जितले झनै बढी आश्चार्यमा पारिदिएको छ ।

यही सिलसिलामा हामीले माडीका मेयर ठाकुर ढकाललाई बाँदरमुढेका पीडित जनतासँग कसरी भोट माग्नुभयो भनेर सोध्यौं । साथै अब मेयर बनेपछि बाँदरमुढेका लागि के(के गर्नुहुन्छ भनेर पनि सोध्यौं । समग्र माडीको विकासका लागि तपाईका योजनाहरु के कस्ता छन् भनेर हामीले ढकाललाई सोध्यौं ।बाहिरबाट हेर्नेले चितवनको माडीमा माओवादीले कसरी जित्यो भन्दै आश्चर्य मानिरहेका छन्, यसको कारण के हो ?

यसको कारण छ, द्वन्द्वकालीन अवस्थामा भएका विभिन्न घटनामध्ये माडीको बाँदरमुढे घटना, जो एउटा निकै अनपेक्षित घटना थियो । जो हाम्रो पार्टीले नचाहँदा(नचाहाँदै त्यहाँ त्यो घटना घट्यो । त्यसले सिंगो पार्टी आजभन्दा करिब १२ वर्ष पहिलेदेखि नै त्यो घटनाप्रति निकै दुखित थियो । हामी दुखित थियौं । त्यो घटनाका पीडितलाई कसरी मल्हम लगाउने भन्ने चिन्तामा थियौं ।

तर, अन्य राजनीतिक पार्टीले त्यसलाई एउटा इस्यु बनाएर हाम्रो विरुद्धमा, बाँदरबुढे घटना घटाउने पार्टी त्यो ठाउँमा कसरी जित्छ भन्ने प्रचार गरिएको थियो । यो माडीमा मात्रै हैन, यस्तो आतातायी घटना घटाउने बाँदरमुढेलाई देखाएर अन्य सर्वत्र रुपबाट यस्तो प्रचार गरिएको थियो । त्यसकै कारण बाहिरबाबाट हेर्दा सरप्राइज जस्तो देखियो ।

तर, हामी बाँदरमुढे घटनाका पीडितलाई केही सहयोग गर्नुपर्छ भनेर जिल्ला पार्टीले नै योजना बनायो । अध्यक्ष कमरेड प्रधानमन्त्री ुहँदा नै केही गर्नुपर्छ भनेर योजना बनेको थियो । अध्यक्ष ज्युले पनि पीडितलाई भेट्नुभयो । उहाँले सहयोगका लागि योजना बनाएर पठाउनुस् भन्नुभयो ।

जिल्लाबाट एक करोडको एउटा सहयोगको स्टिमेट बनाएर पठाइयो । तर, त्यसलाई रोक्ने काम भयो । किनकि त्यही बाँदरमुडे घटनालाई अन्तरराष्ट्रिकरण गरेर जो डलरको खेती गर्ने मान्छेहरुले नचाहिने प्रचार गरेर रोक्ने काम गरे । किनभने त्यो सहयोग जानेभएपछि त जनता उनीहरुको पछि लाग्ने थिएनन् । त्यसैले यस्तो प्रचारबाजी भइरहेका थिए ।

त्यति रोक्ने काम मात्रै भएन, पछिल्लो पटक माडीमा महोत्सव गराइयो । त्यहाँ त्यतिकै खाली हात जानु हुँदैन भनेर जिल्ला पार्टीले एउटा प्याकेज बनायो । ६० लाखको प्याकेज रोजगारमूलक कार्यक्रमसहित बनायौं । पीडितका लागि केही गर्नुपर्छ भन्ने थियो । त्यही लिएर गएर अध्यक्षले घोषणा पनि गर्नुभयो । त्यसलाई पनि रोक्ने काम भयो । तर, त्यसलाई फेरि सोझै दिनुपर्छ भन्ने काम भयो । हामीले रोजगारमूलक कार्यक्रम गर्ने भनेका थियौं । दीर्घकालीन सोच्नुपर्छ भन्नेथ्यो । तर, त्यो पनि दिन रोकिदिए । यसरी बारम्बार विकास र राहतमूलक कार्यक्रमहरु रोकिए ।

तपाईले बाँदरमुढेका जनतासँग के भनेर भोट माग्नुभयो ?

म चुनावी दौरानमा त्यहाँका पीडित जनताका घर(घरमा गएँ । मैले तपाईहरुको त्यो घटनामा पीडित हुनुभयो, राज्यका तर्फबाट १० लाख रुपैयाँ दिने निर्णय भएको छ । शहादात पाएकालाई त्यतिले नै त पुग्दैन । त्यहाँ घाइते, अपांगहरुले केही पाए, तर मृतक परिवारले त केही पनि नपाएका छन् । अहिले हामीलाई हेर्नुस्, म नगरपालिकाको मेयरमा उठ्दैछु बरु मलाई हेर्नुस्, किनकि प्रचण्ड पो उता गए होलान्, म त रातोदिन तपाईहरुकै बीचमा छु नि भनेँ ।

कम्तिमा हामीलाई मत दिनुस्, हामी तपाईंका समस्या कसरी हल गर्ने भन्ने योजनाका साथ आउँछौं भन्यौं । त्यसपछि हामीसँग घटनाका पीडितले साँच्चै तपाईंले त्यो योजनाका साथ काम गर्नुहुन्छ भनेर सोधे । मैले उहाँहरुसँग प्रतिवद्धता जनाएको थिएँँ । मैले जितेँ भने पीडितका लागि काम गर्छु भनेर प्रतिवद्धता गरेको थिएँ ।

के(के प्रतिवद्धता जनाउनुभयो ?

बाँदरमुढे घटना भएको स्थानमा एउटा बाटिका बनाउने । त्यहाँ अहिले आतंककारीबाट भएका अततायी घटना जो लेखिएको छ, त्यसमा म सहमत हुन्न । त्यो लेखिएको शब्दावली कसरी मिलाउने, हामी मिलौला । माओवादी पार्टी र जनताले नै सम्बोधन गर्ने गरी केही मिलाएर शब्दावली मिलाउँला र बाटिका निर्माण गरौंला ।

त्यसैगरी पीडित र पीडित परिवारका लागि नगरपालिकाबाटबाट एउटा रोजगारमूलक कार्यक्रम गरौंला भनेको थिएँ । त्यसले पनि बाहिर प्रचारबाजी जस्तो भएन । म यतापट्टि पीडितसँग त्यो प्रतिवद्धता गरिरहेको छु, उतापट्टि मेरा मान्छे मार्ने माओवादी भनेर त भएन नि ।

हिजोमात्रै बाँदरमुढेमा त्यो घटनाको बाह्रौं वाषिर्क कार्यक्रम भएको थियो । पीडितहरुले मलाई बोलाउनुभएको थियो । म त्यहाँ गएँ । सबैले के भन्नुभयो भने अब बाँदुरमुढे घटनाको सबै सकियो भन्नुभयो सबैले । म त्यहाँ गएँ, मैले त्यहाँ पहिले जे भनेको थिएँ, हिजो पनि त्यही भनें ।

अब विजयी बनेपछि तपाई बाँदरमुढेका पीडितहरुलाई के गर्नुहुन्छ ?

नगरपालिकाबाट हुनेजति म गर्छु । हिजोको १ करोड रुपैयाँ र ६० लाख जसरी पनि दिलाउँछु । हाम्रा अध्यक्ष त अझै ज्युँदै हुनुहन्छ । त्यसैले जानुहन्छ भने तपाईंहरुलाई लिएर गएर पनि म अध्यक्षसँग कुुरा गर्छु । नभए म एक्लै जान्छु । म बाँदरमुढे घटनाका पीडितका लागि पार्टीले केही गर्नुपर्छ भनेर अध्यक्षसँग भन्छु र गर्छु ।


माडी घटना हुँदा कहाँ हुनुहुन्थ्यो ?


म नारायणगढमा थिएँ ।

पहिलेदेखि नै पार्टीमा हुनुहुन्थ्यो ?


हो, अध्यक्ष कमरेड र मैले एउटा बैठकबाट पार्टी सदस्यता पाएका हौं । हामी एउटै मिटिङबाटै जिल्ला कमिटीको सदस्यता लिएका थियौं ।


माडी घटनाले कति पिरोल्थ्यो मेयर हुनअघि ?


पहिलो कुरा त यो घटनाले हामी पूरै स्तब्ध भयौं । त्यो सूचना गलत ढंगले नै भयो भन्ने थियो । घटनामा जुन स्तरका मान्छे मान्छेहरुको मृत्यु भयो, हामी त्यही वर्गको मुक्तिका लडेका थियौं । त्यही वर्गमा मान्छेको मृत्यु भयो । पछि हामी गयौं जनताकोमा । हामीलाई आन्दोलनमा सहयोग गर्ने मान्छेहरु, जो बाम आन्दोलनप्रतिको झुकाव राख्ने मान्छेहरु, बामपन्थीको पडक भएको क्षेत्र माडी, कम्युनिस्टलाई माया गर्ने मान्छेहरुकै दुखद निधन भएको थियो । यसले हामीलाई निकै पिरोल्यो । हामीलाई यसले निकै पीडा दियो, अझै हामी पीडामै छौं ।


त्यो घटनामा पीडित भएकाहरु माओवादी जाँदा पछाडि फर्किने अवस्था छ । भोलि माओवादीका नेता त्यहाँ जाँदा यो पार्टी साँच्चै जनताको काम गर्ने र माया गर्ने रहेछ भन्ने नभएसम्म मलाई चिन्ता रही नै रहनेछ ।

माओवादी नेताहरु माडी छिर्न सक्दैनन् भन्थे, बाँदरमुढे घटनापछि तपाईहरु माडीमा कति पछि जानुभयो ? याद छ ?


हामी अलि पछि नै गयौं । केही समयअघि वनमन्त्री हुँदा अग्नि सापकोटा जाँदा पीडितले कालो भण्डा देखाउन खोजे ।


यस्तो अवस्थामा पनि तपाईंले आँट गर्नुभयो र चुनाव जित्नु पनि भया यसको रहस्य के हो ?


मेरो आफ्नै एउटा बिरासत पनि छ । म चुनाव उठेर कहिले हारेको थिइनँ । राज्यले लगाएका राज्य विद्रोह र विभिन्न मुद्दा पनि हारेको थिइनँ । र धेरैपटक पक्राउ भइयो, मुद्दामा गएपछि म हारेको थिइँन । त्यसैले यो पटक पनि म मेरो बिरासत कायम राँख्दैै हार्दिन भन्ने विश्वास नै थियो ।

तपाईं राजनीतिबाहेक अरु के गर्नुहुन्छ ?


म खास केही गर्दिनँ । मेरो पुख्र्यौली जमिन पनि छ । छोराबुहारी लेक्चरर छन् । साना छोराबुहारी पनि ब्यवसाय गर्छन् । मेरो ३ बिगाहा खेत छ । म कसरी भनँु, ठीक ढंगले भन्यो भने म क्रान्तिकारी, गलत ढंगले भन्यो भने सामन्ती । मेरो खेतको सबैको भन्दा ठूला गरा छ । जमिनलाई चक्लाबन्दी गर्नुपर्छ भन्ने भएकाले म अरुलाई अधियाँ गर्न दिन्नँ । म दुई दिनमा गएर धान रोपेर सक्छु ।



म आफैं खेती लगाउँछु, मेरो खेतको मकै हेर्नुस्, धान हेर्नुस्, आलु हेर्नुस्, गहुँ हेनुर्स् म सबैको भन्दा उत्कृष्ट किसिमले उत्पादन गर्छु । म आफैं गर्छु । अहिले धान लगाउने बेला भएको छ । मंसिरतिर मेरो खेतमा आउनुहोला । म अब सबै खेतमा राज्मा लगाउने प्लानमा छु । मेरो खेतमा जति राज्मा अरुकोमा फलेको देख्नुहुन्न ।


मेरो श्रीमती पनि यसमा खटिन्छिन् । मैले काम गर्ने मान्छेलाई ल है यसरी गर्ने भन्छु । तारतम्य मिलाउँछु । मैले किसानहरुलाई पनि तपाईंहरु पनि यसरी गर्नुस् भन्छु । तपाईंहरु खेती गरेर फाइदा नै हुन्न भन्नुहुन्छ, मेरो जसरी गर्नुस् न भन्छु । सामाजिक काम सँगै उत्पादनमा पनि जोडिनुपर्छ भन्ने मेरो मान्यता हो । म आफैं यो काममा खटिन्छु ।


माडीका जनताले तपाईंलाई पत्याएर मत दिए, अब च्यालेन्ज आयो जस्तो लागेको छैन ?


हो, च्यालेन्ज छ । म माडीको मेयर भएँ । म भोट माग्न जाँदै गर्दा र त्यहाँ मतगणना गर्दै गर्दा मलाई चिन्ता लागेको थियो । अहिले मलाई यति धेरै चिन्ता छ कि माडीमा कुनै आर्थिक स्रोत छैन । यहाँ केन्द्रबाट पठाएको बजेटबाहेक अरु स्रोत छैन । यहाँ विकास गर्नुपर्ने धेरै चिज छ । हाम्रा अगाडि धेरै चुनौती छ । ती चुनौतीलाई सामना गरेर नजाने हो भने राष्ट्रिय निकुञ्जका कारण माडीका जनता पीडित छन् । रिउ खोलाबाट जनता पीडित छ, यातायातको अभावका कारण जनता पीडित छन् । अस्पतालको अभावका कारण जनाता पीडित छन् । यी मुख्य(मुख्य काम नगर्ने हो भने यहाँ माओवादी पार्टी सिद्धिन्छ ।


किनकि हामीले जितायौं, यसले पनि झुट बोलेर गयो भन्ने त हुनुभएन । त्यसैले हाम्रो पार्टीलाई कसरी जनताका माझ स्थापित गराउने कसरी मैले दायित्व पूरा गर्ने भन्ने चिन्ता छ ?


म फेरि माओवादीको मात्रै होइन, म त अब सम्पूर्ण जनताको प्रतिनिधि पनि हुँ । त्यसैले जनताको हिसाबले म प्रतिनिधि हुँ । म त सबैको भएँ अब । सबैले के सोचिरहेका छन् भने यो अलि अप्ठेरोमा छ । ठाकुर अरुभन्दा गर्न सक्ने छ, बोल्न पनि सक्ने छ भन्ने आश पनि छ । मेरो पार्टीको सदस्यता नलिएकाले पनि मलाई भोट दिएका छन् । त्यसैले कसरी काम गर्ने भन्नेमा चिन्तित छु । एउटा नयाँ काम त मैले गरि नै सक्या छु ।


१० दिनपछि त्यो जनताले नै देख्नेछन् । माडीको राष्ट्रिय निकुञ्जबीचबाट जाने बाटो साँघुरो छ । त्यहाँ राष्ट्रिय निकुञ्जको रुख अहिलेसम्म मात्रिका यादवले एउटा रुख काट्नुभयो । त्यसपछि कोही गएर पनि त्यो काम सकेनन् । मैले अस्ति निकुञ्जको वार्डेनसँग बाटो फराकिलो रुख काट्दिनुस् भनेर अनुरोध गरेको थिएँ । उहाँले मलाई बजेटको व्यवस्था गर्नुस् भन्नुभएको थियो । मैले नगरपालिकाले १र२ लाख खर्च गर्छौं भनेको थिएँ । उहाँले आज मलाई मैले मेरो प्राविधिक लगेर त्यो हेरेँ, म २० वटा बाटोको रुख काटिदिन्छु भन्नुभएको छ । निर्णय भइसक्यो भनेर फोन आयो ।


माडीको विकासका लागि भन्दै अरुलाई गाली गर्दै हिँड्ने बिक्रम पाण्डेले पनि ५ वर्षमा गर्न नकेसकेको काम ठाकुरले गर्छ । अहिलेसम्म कसैले गर्न नसकेको काम गर्न पाएकोमा मलाई त्यसमा गर्व छ ।



जगंलको बाटो अबको १५ दिनभित्रै राम्रो बनाउँछु । ग्राभेलमा मोटरसाइल उफ्रेर धद्लङ(धद्लङ गर्दै हिँड्ुनपर्नेछ । अब त्यो बाटो मर्मत गरेर स्तरीय रुपमा ग्राभेल गर्छौं । अब ग्राभेलिङ गरेर रोलिङ गरेर सरर हिँड्दा पीचमै हिँडेजस्तो महसुस हुने बनाउँछौं ।


यो त १५(२० लाखको काम भयो, गर्छौं । तर, ठूलो कामहरु पनि गर्नुछ । तर, उतापट्टि रिउ खोलो छ । त्यहाँ करोडले पनि हुँदैन, अर्ब चाहिन्छ । अब मैले कसरी र्पुयाउने ? हामीले माडीमा विकासका लागि एउटा रिंगरोड बनाउने भनेका छौं । माडीलाई सरर घुमेर हेर्न मिल्ने गरी पर्यटकीय क्षेत्रको हिसावले विकास गर्ने योजना छ । यसका लागि मैले पैसा कसरी उठाउने ? किनकि राष्ट्रिय निकुञ्जको बीचमा छौं, यहाँ थुप्रै खोला छन् । यहाँको ढुंगा गिटी बालुवा उठाएर बेच्न पाइने हो भने हामी सबैभन्दा धनी नगरपालिका हुन्थ्यौं । मैले मुख्यसचिवसँग पनि सोधेर उहाँले यसको सल्लाह पछि गरौंला, पछि के बन्छ, यसको उत्तर अहिले नै दिन नसकिने भन्नुभयो ।


त्यसैले म स्रोत नभएकाले अहिले कसरी स्रोत ल्याएर काम गर्ने भन्नेमा चिन्तित छु । मसँग माडीका जनताले जुन अपेक्षा गर्नुभएको छ, त्यो मैले गर्न सकेँ भन्न सकिनँ भने म जनप्रतिनिधिको दायित्व र जिम्मेवारी रुपमा आनन्द मिल्ने छैन । सँधै अरुसँग मागेर ल्याएर त हुँदैन । त्यसैले म स्रोत जुटाउने विषयमा चिन्तित छु ।


तपाईंले अबको ५ वर्षपछि बन्ने माडीको सपना कस्तो हो ?


त्यहाँ जुन रिउ खोला छ । खोलाको कटानले यहाँको १ हजार बिघा जमिन बगरमा छ । मैले त्यो खोलालाई तटबन्ध गरेर कोरिडोर निर्माण गरेर त्यसको माथिबाट चक्रपथ अर्थात बाइरोड बाटो बनाएर


रिउ पारिका जंगली जनावर रोक्ने योजना छ । त्यो भित्रपट्टि पर्ने हजार बिगाहभन्दा बढी जुन जग्गा छ, हामीले त्यहाँ बनकटट्टामा राम केसी भन्नेसँग करिब(करिब एग्रिमेन्ट गरिसकेका छौं । त्यहाँ ५ सय बिघामा घाँसे मैदान निर्माण गर्ने योजना छ । अब माडीको घाँस काठमाडौं लगेर बेच्छौं । माडी बेकारको ठाउँ भन्नेलाई हामी काठमाडौंमा घाँस ल्याएर बेचेर देखाउँछौं ।


काठमाडौंमा मात्रै हैन, उसलाई चाहिएजति जग्गा दियौं भने उसले अष्ट्रेलिया लगेर यसलाई बेच्नेछ । घाँस खेतिलाई नै आधार बनाएर घाँसे मैदानमार्फत माडीको आर्थिक स्रोत बढाउने योजना छ ।


सँगै, यसको माथि मत्स्य पालनका लागि पकेट क्षेत्र बनाउने र त्यसभन्दा माथिल्लो भाग फलफूल खेती गर्ने । त्यसरी त्यहाँ रिउकोटबाट तटबन्धन बनाएर दक्षिणतर्फबाट पनि रिंगरोड बनाउने । त्यसपछि माडीलाई ३ किसिमले पर्यटनको केन्द्रको बिन्दु बनाउने योजना छ ।


यहाँ पौराणिक महत्वको पाण्डव नगर छ । यहाँ पाण्डबहरु वनबास बसेको कथनसँग जोडिएका केही अवशेष पनि छन् । त्योसहितको सोमेश्वर कालिका र बैकुण्ठताललाई पनि आधार बनाउन सकिन्छ । माडीजस्तो ठाउँमा समथर भएर पनि झरनाबाट पानी झरिरहेको छ । ठूलो ताल छ । यसलाई धार्मिक हिसावले पनि पर्यटनको केन्द्र बनाउने ।

त्यसैगरी त्यो घाँसे मैदानलाई पनि हेर्न जाउँ(जाउँ भन्ने बनाउने र यहाँका थारुहरुको लोपोन्मुख कला र संस्कृतिलाई आधार बनाएर थारु संग्राहलय बनाउने योजना छ ।


यसबाहेक खानेपानीलाई ब्यवस्थित गर्ने, डिप बोरिङमार्फत खानेपानीको ब्यवस्था गर्ने काम पनि गर्नुपर्नेछ । अस्पतालको स्तरोन्नति गर्ने योजना छ । म यहाँका प्रधानाध्यापकसँग बसेर योजना बनाउन गइरहेको छु । अब माडीको शैक्षिक गुणस्तर उठाउनुपर्छ । यहाँ पढेकाहरुले बूढानीलकण्ठमा अंग्रेजीमा पढेकाहरुसँग प्रतिस्पर्धा गर्नुपर्ने अवस्था छ । अब नेपाली माध्यमबाट पढाएर ग्रेसमार्क दिएर विद्यार्थीलाई पास गरेर हुँदैन । त्यसैले यहाँका सरहरुसँग कुरा राम्रो शैक्षिक गुणस्तरको नमुना योग्य बनाउने काम गर्छु ।


अबको ५ वर्षमा ठाकुरले कति काम गर्छ भन्ने एउटा कुरा हो, तर माओवादी पार्टीले गरेर देखायो भन्ने गरी काम गर्नेछु । अर्कोपटक माओवादीले भोट माग्नै नपर्ने गरी काम गर्छु । अनलाइनखबर 




सम्बन्धित तस्विरहरु


कमेन्टसहरु



सम्बन्धित शिर्षक समाचारहरु


माडीका मेयर भन्छन् बाँदरमुढेमा हामी अझै पीडामै छौं - 2017-06-10

जेष्ठ २७ शनिवार, चितवन । माडी नगरपालिकास्थित बाँदरमुढेमा ३९ जनाको ज्यान जानेगरी माओवादीले सार्वजनिक बसमा बम विस्फोटन गराएको १२ वर्ष बितेको छ । १२ वर्षमा खोलो पनि र्फकन्छ भनेजस्तै यसपालिको चुनाबमा माओवादीले यही ठाउँबाट मेयर पदमा जित हात पारेको छ।

हृदय स्पर्शी प्रतिकृया पनि मेरो निम्ति अमूल्य उपहार पुरस्कार हो । - 2017-05-21

रीता ताम्राकार समाज सेवी एवं साहित्यकार रीता ताम्राकार कोशि अञ्चल संखुवासभा जिल्ला चैनपुर ०४, हिटी टोलमा बि.सं २०२२-०२-०९ मा पिता स्व.श्री सानुकाजी ताम्राकार तथा माता श्रीमति देवी माया ताम्राकार को जेठी सन्तान हुनुहुन्छ ।

मेरो सङ्घर्ष केवल प्राप्तिको लागि मात्र होइन । - 2017-05-17

डा.झमक घिमिरे जन्म-२०३७ असार २१ गते शुक्रबार, धनकुटा बहु-प्रतिभावान नेपाली महिला स्रष्टा हुनुहुन्छ । प्रति मष्तिस्क रोग (Cerebral palsy) द्वारा पीडित घिमिरे, उक्त रोगद्वारा पीडित विश्व कै १० प्रतिभावान साहित्यकार मध्ये एक हुनुहुन्छ ।

नमूना वडा बनाउने भिजन सहित आएको छु । धर्मराज पुडासैनी - 2017-05-08

हेटौंडा अनलाईन करिव दुई दशकको प्रतिक्षापछि हुन गइरहेको स्थानीय तहको निर्वाचनमा युवा उम्मेदवारहरुको गाउँठाउँ विकास र सम्पन्नताले हराभरा बनाउने आ-आफ्नै योजनाहरु छन् :

सम्वृद्ध हेटौडा मेरो सपना - 2017-05-05

हेटौंडा अनलाईन नेकपा माले केन्द्रीय सदस्य तथा जिल्ला सचिव हाल हेटौडाउ पमहानगरपालिका मेयरका उम्मेदवार भिमसेन महत संग चुनावी सेरोफेरोलाई आधार बनाएर लिइएको संक्षिप्त अन्तरबार्ता

यौनिक रुपमा स्वतन्त्र नभएसम्म महिला स्वतन्त्र हुँदैनन् - 2017-04-20

तसलिमा नसरीन ‘लज्जा’ उपन्यास मैले धरै वर्षअघि पढेको थिएँ । त्यसपछि अरु पनि केही पढियो र लेखिकाको नाम घोकियो तसलिमा नसरिन ।

नयाँ शक्तिको लाइन गोरु र बाघलाई सँगै जोत्ने खालको छ - 2017-04-16

अनलाईन संवाददाता नेकपा (माओवादी केन्द्र)का नेता राम कार्की ‘पार्थ’ पाठकहरुका लागि नयाँ नाम होइन ।

राजनीतिक अस्थिरता नै बैंकिङ क्षेत्रको बाधक - 2017-04-16

हेटौंडा अनलाईन झलक प्रसाद खनाल भिबोर सोसाइटी डेभलपमेण्ट बैंकका प्रमुख कार्यकारी अधिकृत (सीईओ) हुन् ।

म कहिल्यै बुढो हुन्न,बरु मर्छु - 2017-04-16

हेटौंडा अनलाईन बरिस्ठ संगीतकार मणिकमल क्षेत्री नेपाली साङ्गीतिक आकाशमा चिनाईरहनु पर्ने नाम होइन । भारतको दार्जीलिङ्गमा जन्मिएर जीवनभर नेपाली गीत सङ्गीतको आकाशमा होमिएका उहाँले नेपाली गीत सङ्गीतमा ठुलो गुन लगाउनुभएको छ।

1 2 NEXT

अन्तरवार्ता

  • माडीका मेयर भन्छन् बाँदरमुढेमा हामी अझै पीडामै छौं
    जेष्ठ २७ शनिवार, चितवन ।
    माडी नगरपालिकास्थित बाँदरमुढेमा ३९ जनाको ज्यान जानेगरी माओवादीले सार्वजनिक बसमा बम विस्फोटन गराएको १२ वर्ष बितेको छ । १२ वर्षमा खोलो पनि र्फकन्छ भनेजस्तै यसपालिको चुनाबमा माओवादीले यही ठाउँबाट मेयर पदमा जित हात पारेको छ।
  • हृदय स्पर्शी प्रतिकृया पनि मेरो निम्ति अमूल्य उपहार पुरस्कार हो ।
    रीता ताम्राकार
    समाज सेवी एवं साहित्यकार रीता ताम्राकार कोशि अञ्चल संखुवासभा जिल्ला चैनपुर ०४, हिटी टोलमा बि.सं २०२२-०२-०९ मा पिता स्व.श्री सानुकाजी ताम्राकार तथा माता श्रीमति देवी माया ताम्राकार को जेठी सन्तान हुनुहुन्छ ।
  • मेरो सङ्घर्ष केवल प्राप्तिको लागि मात्र होइन ।
    डा.झमक घिमिरे
    जन्म-२०३७ असार २१ गते शुक्रबार, धनकुटा बहु-प्रतिभावान नेपाली महिला स्रष्टा हुनुहुन्छ । प्रति मष्तिस्क रोग (Cerebral palsy) द्वारा पीडित घिमिरे, उक्त रोगद्वारा पीडित विश्व कै १० प्रतिभावान साहित्यकार मध्ये एक हुनुहुन्छ ।

सूचना/जानकारी

बन महासंघको शुभकामना तथा चियापान

अशोक सुजन श्रेष्ठ
असोज ०९ सोमबार, हेटौंडा सामुदायिक बन उपभोक्ता महासंघ मकवानपुरले बिजया दशमी, शुभ दिपावली, नेपाल सम्बत् ११३८, छठ पर्व, ल्होसार र क्रिसमसको अवसरमा शुभकामना आदनप्रदान तथा चियापान कार्यक्रम गरेको छ ।
नेपाल नाई ट्रेड युनियन बाराको बैठक सम्पन्न: सातैदिन सेवा सञ्चालन
सुप्रिया ढकाल

अबदेखी बाराका जिल्लाभरी नै बिहिबारपनि सैलुन सञ्चालन हुने भएको छ । सैलुन ब्यवसायीहरुको छातासंगठन नेपाल नाई ट्रेड युनियन बाराको निजगढमा बसेको बैठकले सेवाग्राहिको हितलाई मध्यनजर गर्दै यसैसातादेखी बिहिबार पनि सैलुन खोलेर सेवा प्रवाह गर्ने निर्णय गरेको हो ।
सेतीनदीले बगाउँदा तीन मजदुर बेपत्ता
हेटौंडा अनलाइन

हिजो साँझ नुहाउने क्रममा दाङको ताफे घर भई पोखरा–३३ बस्ने १८ वर्षीया संगीता नेपाली, १९ वर्षीय ध्वनि नेपाली र १७ वर्षीय सुनिल परियार बेपत्ता भएका हुन् ।
सामाजिक सुरक्षा भत्ता रकम वितरण सम्बन्धि सूचना ।
हेटौंडा अनलाइन

हेटौंडा उपमहानगरपालिका क्षेत्र भित्रका साविकका ११ वटा वडा भित्र रहेका सामाजिक सुरक्षा भत्ता बितरणको लागि हेटौंडा उपमहानगरपालिकाले निम्न मिति र समय तोकेको छ ।


12897459 Times Visited.

हेडम्बा पब्लिकेशन प्रा.लि.
द्वारा सन्चालित हेटौंडा अनलाइन
ठेगाना: हेटौडा, -११, मकवानपुर, नेपाल
057-526557
www.hetaudaonline.com.np
Email: info@hetaudaonline.com.np
संचालक
संचालन तथा प्रायोजनको हक सर्बाधिकार © हेटौंडा अनलाईन, हेटौंडा २०७४ मा सुरक्षित रहनेछ ।
Powered by :
Top