Hetauda Online - महिलाको प्रयास “मध्य नेपाल सन्देश” दोश्रो बर्षमा प्रवेश
The first website dedicated to the people of clean and green city Hetauda.
राष्ट्रिय समाचार

महिलाको प्रयास “मध्य नेपाल सन्देश” दोश्रो बर्षमा प्रवेश


राष्ट्रिय समाचार 8 पटक पढिएको सुप्रिया ढकाल २०७४ भाद्र १३ मंगलवार


महिलाको प्रयास “मध्य नेपाल सन्देश” दोश्रो बर्षमा प्रवेश


भाद्र १३ मंगलवार, बारा । महिलाहरुको संयुक्त प्रयासले थालीएको साप्ताहिक पत्रिका प्रकाशित गर्ने प्रयासको आज एक बर्ष पुगेको छ । महिला सञ्चालक कमिटि, महिला कर्मचारीको संयुक्त लगनले सुरुवात गरेको मध्य नेपाल सन्देश साप्ताहिक पत्रिकाले आज आफ्नो पहिलो बार्षिकउत्सव मनाएको छ । गतबर्षदेखी प्रकाशनमा आएको यस पत्रिकाले बारा, पर्सामा बजार बिस्तार गरेको छ ।

आज पत्रकार महासंघ पर्साको कार्यालयमा आयोजित पहिलो बार्षिक उत्सवसंगै संस्थाले अनलाईन उद्धघाटन गरेको छ । पहिलो बार्षिक उत्सव तथा अनलाईन उद्धघाटन समारोहलाई सम्बोधन गर्दै कार्यक्रमका प्रमुख अतिथि निमित्त प्रमुख जिल्ला अधिकारीले महिलाहरुको एकल प्रयासले स्थापित यस मध्यनेपाल सन्देश साप्ताहिकको पहिलो बार्षिकउत्सवले बास्तवमै महिला कमजोर छैनन् भन्ने पुष्टि भएको बताउनुभयो । घरभित्र मात्र सिमित हुने महिलाहरुको लागी यस संस्थाकि सञ्चालीका महिलाहरु एउटा प्ररेणादायि नमुना बन्ने उहाले उद्धघोष गर्नुभयो । साथै निमित्त प्रमुख जिल्ला अधिकारी पौडेलले यो थालनिको लागी महिला दिदिबहिनिहरु धन्यबादको पात्र रहेको बताउनुभयो । 

कार्यक्रमका अन्य बक्ताहरुले पनि यस साप्ताहिक पत्रिकाका सञ्चालीका तथा कर्मचारीहरुलाई हौसला प्रदान गर्दै पूर्ण सहयोग गर्ने प्रतिबद्धता जनाएका थिए । मध्य नेपाल सन्देश साप्ताहिककि प्रकाशक एवपं सम्पादक कबिता खड्का अध्यक्षताथामा सम्पन्न कार्यक्रममा नेपाल पत्रकार महासंघका पर्सा अध्यक्ष श्याम बञ्जारा, पर्साका प्रहरी उपरिक्षक सुदिप गिरि, बिरगञ्ज नगर उद्योगा वाणिज्य संघका उपाध्यक्ष, लगाएतले आफ्नो शुभकामना मन्तब्य ब्यक्त गर्नुभएको थियो । स्थानिय समाजसेवि एवं पत्रकार सलमा खातुनले सञ्चालन गर्नुभएको कार्यक्रममा महिला प्रत्रकार संघ पर्साकि संयोजक लक्ष्मि खरेलले स्वागत मन्तब्य ब्यक्त गर्नुभएको थियो । कार्यक्रमका बिच पहिलो एक बर्षमा बिभिन्न बिधाबाट सहयोगी भुमिका निर्वाह गर्ने ब्यक्तित्वहरुर्ला कार्यक्रमका प्रमुख अतिथि तथा अतिथिहरुबाट प्रशंसापत्र बितरण गरिएको थियो । 





कमेन्टसहरु



लोकप्रिय



12814666 Times Visited.

हेडम्बा पब्लिकेशन प्रा.लि.
द्वारा सन्चालित हेटौंडा अनलाइन
ठेगाना: हेटौडा, -११, मकवानपुर, नेपाल
057-526557
www.hetaudaonline.com.np
Email: info@hetaudaonline.com.np
संचालक
संचालन तथा प्रायोजनको हक सर्बाधिकार © हेटौंडा अनलाईन, हेटौंडा २०७४ मा सुरक्षित रहनेछ ।
Powered by :
Top